Ikinagalak ng Palasyo ang pagtaas ng employment rate sa Pilipinas nitong Marso.
Ayon kay acting presidential spokesman Martin Andanar, nangangahulugan lamang ito na epektibo ang calibrated strategy ng pamahalaan gaya ng paglipat sa COVID-19 Alert level system.
Sinabi pa ni Andanar na dahil sa nasabing sistema ay mas maraming mga negosyo ang nagbukas at mas maraming Pilipino ang nakabalik sa trabaho habang pinapaigting ang COVID-19 vaccination drive.
Tiwala rin si Andanar na bubuti pa ang employment situation sa bansa dahil sa konkretong plano ng gobyerno upang tuluyang makabangon ang ekonomiya.
Batay sa ulat ng Philippine Statistics Authority (PSA), umabot sa 94.2% ang employment rate sa nasabing buwan, na itinuturing na pinakamataas na employment rate simula noong April 2020.