Tatlong pasahero ang nailigtas matapos magkabanggaan ang isang pampasaherong barko at isang bangka sa Batangas City.
Partikular itong naganap sa bahagi ng Matoco Point linggo ng hapon.
Batay sa inisyal ng ulat ni Captain Victor Acosta, Station Commander ng Batangas Coast Guard, galing sa Calapan City Port at patungo sa Batangas Port ang MV Stella Del Mar ng Starlite Shipping, nang makabanggaan nito ang banca sa bahagi ng Matoco Point.
Isang crew at tatlong sakay ng bangka ang nailigtas na galing sa Isla Verde.
Hindi naman nailigtas ang iba pang sakay ng bangka na livestock animals gaya ng kambing.
Sa ngayon, nagsasagawa na ng imbestigasyon ang Batangas Coast Guard para malaman ang dahilan ng banggaan.
