Sinampahan na ni Senador Antonio Trillanes IV ng kasong libelo ang pro-Duterte blogger na si Rey Joseph “RJ” Nieto o mas kilala bilang si Thinking Pinoy.
Ito ay kaugnay sa blog ni Nieto kung saan nakasaad na tinawag umano ni US President Donald Trump si Trillanes bilang “little narco”.
Ayon kay Trillanes, ang naturang post ay malinaw aniyang paninira sa kanyang pangalan at reputasyon.
Umaasa ang senador na magsisilbing leksyon kay Nieto ang inihain niyang kaso.
Samantala, “magpapaburda na” at “magpapa-salon” naman ang tanging naging tugon ni Nieto nang kunin ng DWIZ ang panig nito.
Matatandaang una nang kinasuhan ng libel at graft ni Trillanes ang kapwa pro-Duterte ni Nieto na si Communications Assistant Secretary Mocha Uson.
(May ulat ni Cely Bueno)
