Pumalag si Senador Leila de Lima sa naging pahayag ni Presidential Communications Sec. Martin Andanar na bully ang IPU o International Parliamentary Union.
Ito’y makaraang magpadala ng trial observer ang IPU para bantayan ang takbo ng paglilitis laban kay De Lima hinggil sa mga kasong isinampa laban dito.
Ayon kay De Lima, lumalabas na ang pagiging ignorante umano ni Andanar dahil sa mga paandar nito laban sa mga trial observer na bahagi aniya ng democratic at judicial process.
Bahagi aniya ng karapatan ng isang akusado at ng publiko ang pagtatalaga ng mga trial observer ng IPU upang matiyak na magiging patas at mabilis ang gagawing paglilitis laban sa isang akusado.
