Arestado ang isang retiradong pulis na sinasabing malapit kay Ardot Parojinog sa ikinasang operasyon ng PDEA o Philippine Drug Enforcement Agency at Philippine National Police – Criminal Inbvestigation and Detection Group sa Misamis Oriental.
Naaresto ang suspek na si retired SPO4 Ruben Vilbar sa bahay nito sa Barangay Poblacion Lugait matapos silbihan ng search warrant na ipinalabas ng Cagayan De Oro City Regional Trial Court.
Ayon kay PDEA Region 10 Director Wilkins Villanueva, narekober sa bahay ni Vilbar ang sampung sachet ng hinihinalang shabu na aabot sa limampung gramo at tinatayang nagkakahalaga ng tatlong daan at apatnapung libong piso.
Nakuha rin sa suspek ang isang kalibre trentay otso na revolver, isang kalibre kuwarentay singkong baril, isang M16, isang rifle grenade, mga bala at magazines.
