Patay ang limang miyembro ng isang gun for hire group matapos maka-engkuwentro ang mga awtoridad sa Cavite City.
Ayon sa mga awtoridad, kabilang sa mga nasawi ang itinuturong lider ng grupo na si Aaron Cruz at 15-anyos umanong live in partner nito na tatlong buwang buntis.
Alas-4:00 kaninang madaling araw nang makatanggap ng tawag ang mga pulis kaugnay sa pagpapaputok ng baril sa De Guzman St. Brgy 30 sa Cavite City.
Nang rumesponde ang mga pulis ay sinalubong sila ng mga putok kayat ginantihan nila ang mga suspek hanggang mapatay ang mga ito.
Si Cruz na isinasangkot sa gun for hire, illegal drugs at gun running activities sa lalawigan ay kakalabas lamang ng kulungan matapos mag piyansa sa kasong illegal possession of firearms.
—-