Isinisi ni Cebu City Vice Mayor Mike Rama sa pagkakawatak-watak ng Cebu Province ang pagiging numero uno ngayon ng Cebu City sa kaso ng coronavirus disease 2019 (COVID-19).
Sa panayam ng DWIZ kay Vice Mayor Rama, sinabi nito na bagamat isang independent city ang Cebu, dapat ay nagkaruon ng iisang boses at isang lider ang lalawigan nang magkaruon ng pandemic.
Matatandaan na sa halip na paluwagin ang quarantine sa Cebu City ay ibinalik sila ng Inter-Agency Task Force (IATF) sa enhanced community quarantine (ECQ) dahil sa paglobo ng kaso ng COVID-19 sa syudad.
Binigyang diin ni Rama na masakit para sa kanilang mga mamamayan ng Cebu City ang matawag na epicenter ng COVID-19.
Gayunman, umaasa anya sila na sa pagdating duon ni Department of Enviroment and Natural Resources (DENR) Secretary Roy Cimatu, na itinalaga ng pangulo para pangasiwaan ang quarantine rules sa Cebu, ay maisasa ayos ang kanilang siyudad.
