Pagbibigay prayoridad sa interes ng publiko at pangangailangan ng mga mahihirap na Pinoy ang dahilan kaya’t hinangaan si Pangulong Rodrigo Duterte ng mga Pilipino at mga pinuno ng iba’t ibang bansa.
Ito ang reaksyon ng Malakaniyang makaraang manguna si Pangulong Duterte sa online poll ng Time Magazine para sa pinaka-maimpluwensyang tao sa buong mundo.
Ayon kay Presidential Spokesman Ernesto Abella, magpapatuloy pa rin namang pagsisilbihan ng Pangulo ang sambayanang Pilipino mayruon man o walang pagkilala siyang matanggap.
Tatlo lamang aniya ang adhikain ng Pangulo para sa bansa tulad ng kasaganahan, maibalik ang tiwala ng publiko sa pamahalaan at pagkakaroon ng patas gayundin ang makatarungang lipunan.
By: Jaymark Dagala / Aileen Taliping
