Inilabas na ng Department of Trade and Industry ang price guide para sa mga noche buena product.
Ayon sa ahensya, sakop ng price guide ang 236 stock keeping units mula sa 20 manufacturers.
Batay sa price guide ng DTI, naglalaro sa 170 pesos hanggang 928 pesos & 50 centavos ang presyo ng ham habang nasa 32 pesos naman hanggang 114 pesos ang pasta/spaghetti.
Nasa 56 pesos & 50 centavos naman hanggang 310 pesos ang halaga ng keso habang ang queso de bola ay mabibili ng 210 pesos hanggang 445 pesos.
Makikita naman ang presyo ng iba pang mga produkto sa social media pages ng DTI.
Samantala, epektibo naman ang nasabing price guide hanggang Disyembre 31.
