Sumakay ng Metro Rail Transit o MRT si Presidential Spokesperson Harry Roque.
Pasado alas-9:00 ng umaga, nang sumabay sa mahabang pila si Roque sa North Avenue Station.
Ilang minuto din ang hinintay ng kalihim bago ito nakakuha ng single journey ticket.
Ayon kay Roque, layon niyang personal na malaman ang sitwasyon at pulso ng mga pasahero ng MRT.
“Sumakay ako, mahaba ang pila, siksikan pero umaandar at kapag nakasakay naman ay mas mabilis talaga, so malinaw sa akin na ang solusyon sa trapiko ay i-improve ang MRT para vmas marami pang sumakay at hindi na magdala ng kanya-kanyang sasakyan.” Pahayag ni Roque
Sinubukan din ni Roque ang pagsakay sa Light Rail Transit o LRT na halos karugtong lang ng istasyon ng MRT.
—-
