Pinalaya na ng Abu Sayyaf Group ang 4 na Indonesian nationals na dinukot nila sa karagatang sakop ng Tawi-Tawi noong Abril 15.
Ayon kay Jolo Sulu Police Chief Supt. Junpikar Sittin, ibinaba mula sa isang sasakyan ang apat na bihag alas-3:00 ng hapon kahapon sa tapat ng bahay ni Sulu Governor Abdusakur Tan.
Agad dinala sa Teodulfo Station Hospital sa Jolo ang mga pinalayang sina Moch Ariyanto Misnan, Lorens MPS, Dede Irfan Hilmi at Samsir upang sumailalim sa medical check-up.
Sinasabing si MNLF Political Affairs Head Samsula Adju ang namagitan sa negosasyon kapalit ang P50 milyong piso na ransom para sa kalayaan ng mga bihag.
By Meann Tanbio
