Pinag-aaralan ng pamahalaan ang pagbibigay ng insentibo sa mga lgu’s na may mataas na bilang ng nabakunahan kontra Covid-19 sa isinasagawang national vaccination days.
Sinabi ni Testing Czar Vince Dizon na plano nilang bigyan ng pagkilala ang mga rehiyon, probinsya at lgu’s, na nanguna sa “bayanihan, bakunahan”.
Paliwanag ng opisyal, hindi biro ang pagsusumikap na matugunan ang mga hamon sa pagbabakuna.
Samantala, tiniyak naman ni Dizon na buo ang suporta ng pamahalaan sa mga lugar na may mababang vaccination rate gaya ng Bangsamoro Autonomous Region in Muslim Mindanao (BARMM) at Cordillera Administrative Region (CAR).