Naghahanda na ang mga otoridad sa Davao City para sa victory party ni presumptive president-elect at outgoing mayor Rodrigo Duterte sa June 4.
Ayon kay PNP-region 11 director, Chief Supt. Manuel Gaerlan, tinatayang isandaang libong katao ang inaasahang dadalo sa party na magsisimula ala una ng hapon hanggang ala una ng madaling araw sa Crocodile park.
Inabisuhan naman ni Gaerlan ang mga nagbabalak dumalo sa event na ala sais pa lamang ng umaaga ay magtungo na sa venue lalo’t daraan ang mga ito sa mahigpit na security check.
Samantala, wala naman anya silang natatanggap na mga security threat sa nabanggit na event.
By: Drew Nacino
