Pumalo na sa halos P500-M ang jackpot prize sa 6/58 ultra lotto ng Philippine Charity Sweepstakes Office (PCSO).
Ito ay matapos wala pa ring nakatama sa winning combination na 36-44-43-50-12-06 ng nasabing laro nitong Martes ng gabi.
Dahil walang nanalo, pumapalo na ngayon sa P492,970,782.80 ang premyo ng ultra lotto.
Wala ring nanalo sa 6/42 lotto na may kombinasyong 37-16-26-03-42-10.
Dahil dito, umaabot na sa mahigit P50-M ang jackpot prize sa lotto 6/42.
Hindi rin napanalunan ang mahigit P25-M premyo ng 6/49 super lotto na may winning combination na 29-26-48-24-10-22.
Sa Biyernes, inaasahang idaraos ulit ang draw para sa 6/58 ultra lotto.
