Nagsagawa ng prayer vigil ang pamilya ng mga nawawalang sabungero sa labas ng tanggapan ng Commission on Human Rights (CHR) sa Quezon City, kahapon.
Nagsindi ng kandila, nag-rosaryo, nagbahagi ng mga saloobin at nagdasal ang mga kaanak ng mga sabungero na makita at makauwi na ang mga ito.
Hati naman ang reaksyon ng pamilya ng mga nawawala sa itinatakbo ng imbestigasyon ng mga otoridad.
Nagpasaklolo rin sila kay Pangulong Rodrigo Duterte upang mahanap ang kanilang mga mahal sa buhay.
Patuloy ang imbestigasyon ng Philippine National Police-Criminal Investigation and Detection Group (PNP-CIDG) sa pagkawala ng dalawampu’t anim na sabungero mula Bulacan, Laguna, Rizal at Quezon Provinces. —sa panulat ni Mara Valle
