Inihayag ng Department of Social Welfare and Development (DSWD) na sapat pa ang pondo ng gobyerno para sa mga lugar na tinamaan ng kalamidad hanggang sa buwan ng Disyembre ngayong taon.
Ayon kay DSWD Undersecretary Eduardo Punay, mayroon pang 1.4 billion pesos na pondo para sa stockpiles at standby funds ng ahensya kung saan, mahigit 450 million pesos dito ay inilaan bilang standby funds sa central office at field offices.
Iginiit ng ahensya na nakahanda ang pamahalaan sa pagresponde partikular na ang pagbibigay ng pangangailangan ng ating mga kababayan na maapektuhan ng kalamidad tulad ng mga bagyo at lindol.
Sinabi naman ng opisyal na inumpisahan na nilang mamigay ng ayuda sa mga pamilyang naapektuhan ng magnitude 6.4 na lindol sa Abra at Ilocos Norte bilang bahagi narin ng Assistance to Individuals in Crisis Situation Program ng ahensya.