Iginiit ni political analyst na si Lito Banayo na wala nang ginawa ang gobyerno kundi pag-usapan ang pulitika sa halip na tutukan ang mga seryosong usapin gaya ng pagtaas ng presyo ng mga pangunahing bilihin o inflation sa bansa.
Ayon kay Banayo, ang kasalukuyang sitwasyon sa gobyerno ay tila naging “money’s game,” kung saan ang taumbayan ang higit na naaapektuhan gaya ng sunod-sunod na insidente ng pagkasawi ng ilang Pilipino habang pumipila para sa murang bigas program ng Department of Agriculture.
Binigyang-diin din ng political analyst na kailangang makahanap ang pamahalaan ng kongkretong solusyon upang mapababa ang presyo ng mga bilihin at matulungan ang mga ordinaryong mamamayan.
Aniya, inaasahang tataas pa ang presyo ng mga pangunahing bilihin matapos ang buwan ng Hunyo. —sa panulat ni Reabelle Medina
