Posibleng bumaba ng walong piso kada litro ang diesel, habang apat na piso naman ang ibaba sa gasolina at sampung piso kada litro para sa kerosene, sa susunod na linggo.
Batay ito sa apat na araw ng trading sa Means of Platts Singapore na siyang batayan ng galaw ng presyo ng langis sa bansa.
Gayunman, ayon sa Department of Energy, maaari pang magbago ang mga presyo dahil magsusumite pa ang mga kumpanya ng langis ng kanilang price adjustment range bago ilabas ang opisyal na rollback.
Giit ni DOE Oil Management Bureau Director Rino Abad, isinasaalang-alang ng ahensya ang mga dagdag gastos ng oil companies para maiwasan ang kanilang pagkalugi.
Inaasahang makukumpleto ang pagsusuri ng DOE sa mga isusumiteng datos ngayong weekend.—sa panulat ni Reabelle Medina
