Inalerto ni Philippine National Police o PNP Chief Director General Ronald Dela Rosa ang lahat ng himpilan ng pulisya sa Central Mindanao laban sa posibleng pag-atake ng Bangsamoro Islamic Freedom Fighters o BIFF.
Ayon kay Dela Rosa, posibleng gawin ng BIFF ang pag-atake sa mga himpilan ng pulisya bilang diversionary tactic sa harap ng sunod-sunod na military operations laban sa kanilang grupo.
Kasabay nito ay inatasan rin ni Dela Rosa ang mga pulis ng Central Mindanao na tumulong sa opensiba ng military laban sa BIFF.
Matatandaan na pinaigting ng militar ang opensiba sa BIFF matapos ang giyera sa Marawi City.
(Ulat ni Jonathan Andal)
