Nasawi ang nasa 40 mga sundalo sa Afghanistan habang sugatan ang 24 na iba pa matapos na maganap ang pambobomba sa isang sasakyan sa Ghazni.
Ayon sa Ministry of Defense ng Afghanistan, pinasabog ng suspek ang bomba sa harap ng nakaparadang sasakyan sa isang security base.
Batay sa paunang imbestigasyon, nang kinomprota ng mga sundalo ang suspek, tsaka na rin ito nagpasabog sa kanyang sarili.
Kasabay nito, agad na itinanggi ni Taliban Spokesperson Zabihullah Mujahid na ang kanilang grupo ang nasa likod ng pagpapasabog.
