Kinumpirma ng Philippine Heart Center (PHC) na isa sa kanilang nurse na lalake ang pumanaw dahil sa COVID-19.
Ayon sa ulat, naka-assign ang nasawing nurse sa charity ward ng ospital.
Matapos ang insidente, 13 doktor, 30 nurse, at 15 staff ng pagamutan na naka-close contact ng pumanaw na health worker ang isinailalim sa COVID-19 test at nasa quarantine facility na ng PHC.
Dahil dito, nagpahayag ng kalungkutan ang Filipino nurses united sa nakarating sa kanilang balita na isang kasamahan nila sa PHC at isa rin sa National Kidney Transplant Institute ang binawian ng buhay dahil sa COVID-19.
Kasunod ng patuloy na tumataas na bilang ng COVID-19 cases sa hanay ng mga healthcare workers, mariing hiniling ng grupo kay Health Sec. Francisco Duque III na magbitiw na sa pwesto.
