Binuksan na ang isa pang coronavirus disease 2019 (COVID-19) testing facility sa Philippine Arena sa Bulacan.
Sa pahayag ni Secretary Carlito Galvez, Chief Implementer ng National Action Plan against COVID-19.
Sinabi nito na isa ito sa pinakamalaking testing facilities sa bansa na mayroong hihit 90 swabbing booths at may kakayanang magsagawa ng nasa 1,500 tests kada araw.
Magugunita na nasa tatlo na ang mga mega-swabbing facilities ang unang binuksan ng pamahalaan para magsagawa ng nasa 5,000 tests kada araw.
Kabilang sa mga testing facilities na naunang binuksan ay ang mall of asia arena sa lungsod ng Pasay, Palacio De Manila sa lungsod ng Maynila at Enderun Colleges sa lungsod ng Taguig.
Kasunod nito, umaasa ang pamahalaan sa pagdaragdag ng mga swabbing facilities, ay mapapataas ng bansa ang testing capacity nito.
