Dapat ng magpasaklolo ang Pilipinas sa mga kaalyado nitong bansa sa gitna ng umiinit na issue hinggil sa panghihimasok ng China sa Benham Rise.
Ayon kay Muntinlupa City Rep. Ruffy Biazon, bagaman hindi kakayanin ng Pilipinas na tapatan ang pwersa militar ng Tsina, maaari namang tumulong ang mga kaalyadong bansa tulad ng Amerika.
Sa ngayon anya ay hindi maikakailang matindi ang tagisan ng lakas ng Estados Unidos at Tsina sa lahat ng aspeto at ito ang pagkakataon ng Pilipinas na humingi ng saklolo sa U.S. Laban sa banta ng China.
Hinikayat din ni Biazon na ipagpatuloy ng gobyerno ang pagpapalakas sa Defense capabilities sa Eastern Seaboard ng Pilipinas kung saan matatagpuan ang Benham Rise na bahagi ng Philippine Exclusive Economic Zone.
By: Drew Nacino
