Pinayagan na ng Korte Suprema ang personal na paghahain ng pleading kung saan, maari nang magtungo sa kanilang tanggapan sa ilalim ng Alert level 2.
Ang naturang desisyon ay dahil sa patuloy na pagbaba ng bilang ng mga tinatamaan ng COVID-19
Base sa Memorandum order ni Chief Justice Alexander Gesmundo, simula ngayong araw, Pebrero a-16, maari nang maghain sa Korte ng Pleadings at Court Submissions mula Lunes hanggang Biyernes na magsisimula alas-9 ng umaga hanggang alas-4 ng hapon.
Pinayagan din ng Korte Suprema ang 80% ng workforce sa kada opisina at dibisyon sa mga papasok on-site habang 100% naman para sa mga empleyadong pisikal na papasok sa medical and dental services, security division, maintenance division, at motorpool section ng ahensya. —sa panulat ni Angelica Doctolero
