Hindi na makakaya pa ng global economy kung muling magpapatupad ng lockdowns at pagbabawal sa pagbiyahe.
Ito ang binigyang-diin ni Pangulong Ferdinand Marcos sa Asia-Pacific Economic Cooperation o APEC Summit.
Ayon sa Punong Ehekutibo, alam na ng lahat ang magiging resulta ng lockdown at travel ban kung saan tiyak aniyang magpapahirap ito sa pagbangon ng turismo, consumer confidence at katatagan ng global market.
Kaya naman iginiit ni Marcos na mahalagang magkaroon ng investment sa pandemic preparedness at matiyak ang katatagan ng global health system.
Dapat din aniyang magpatupad ng one-health approach at paigtingin ang health surveillance systems for emerging and re-emerging infectious diseases.
Samantala, sinabi ng Pangulo na malaki ang nagawa ng APEC sa panahon ng pandemya, partikukar sa aspeto ng epektibong dayalogo at pamamahagi ng mahalagang datos at kaalaman.
