Patay ang isang ginang na buntis habang siyam na iba pa ang nasugatan makaraang mahulog sa bangin ang kanilang sinasakyang van sa kahabaan ng Quirino Highway,Brgy. Francisco, Tagkawayan, Quezon.
Kinilala ng mga otoridad ang biktimang buntis na si Sagira Haji Ebrehim.
Base sa inisyal na ulat ng pulisya, patungo ng Manila ang van na sinasakyan ng mga biktima nang biglang makaidlip ang drayber na si Alinor Lomondot kaya’t nawalan ito ng kontrol sa manibela.
Bago tuluyang nahulog sa 40-feet na bangin, bumangga muna sa isang tindahan at waiting shed ang nasabing van.
Agad namang dinala sa pagamutan ang mga biktima kabilang na ang driver na si Lomondot na nagtamo ng mantinding pinsala sa katawan.
Samantala, bigo namang maisalba pa ang buhay ng buntis na biktima na si Ebrehim.