Tikom si Presidential son at Deputy Speaker Paolo Duterte kaugnay sa nangyayaring girian sa House speakership.
Ayon kay Paolo Duterte, wala itong pinapanigang kampo dahil kapwa kaibigan niya sina Speaker Alan Peter Cayetano at Marinduque Representative Lord Allan Velaso na naglalabanan sa pagka-House speaker.
Kinilala naman ng deputy speaker ang term-sharing deal sa pagitan nina Cayetano at Velasco.
Aniya, hanggat umiiral ito ay may karapatan si Velasco na igiit ang pag-angkin nito sa naturang posisyon.
Gayunman, aniya, makikita rin ang maraming bilang ng mga kongresista na nananatili ang tiwala kay Cayetano.
Binigyang-diin naman ni Paolo Duterte wala itong kakatigang kampo at hangad aniya nito ang pagkakaisa ng Kamara .
