Nanawagan sa Commission on Elections (COMELEC) si Camarines Sur Representative Lray Villafuerte na padaliin ang panuntunan para sa 45-day election spending ban.
Ito ay upang mapabilis ang pagresolba sa request na mag-eexempt sa ilan sa fund release na kinakailangan sa ngayon.
Mungkahi ni Villafuerte, ibaba na lamang sa pito hanggang sampung araw ang pagresolba sa request for exemption.
Habang huwag na rin aniyang magsagawa ng pagdinig kada request at aprubahan o ibasura na lamang ito, depende kung nakapagsumite ng kumpletong requirement na humihingi ng exemption.
Samantala, idinagdag pa ng mambabatas sa hiling na pahintulutan na ng poll body ang kanilang regional at provincial offices na dinggin ang exemption requests. – sa panulat ni Abby Malanday