Nabahala ang ilang nagtitinda ng paputok sa Bocaue, Bulacan sa panukala ni DILG Secretary Benhur Abalos na total ban sa paputok.
Marami umano ang maaapektuhan kapag nawala ang industriya ng fireworks dahil dito umaasa ng panggastos pang araw-araw ang mga nagtitinda nito.
Suportado naman ng Philippine Pyrotechnics Manufacturers Dealers Association ang regulasyon sa mga paputok ngunit nanawagan itong pag-aralan ang total ban.
Paliwanag ni Lea Alapide, Presidente ng PPMDAI, na tingnan sana ng gobyerno ang naidudulot ng mga paputok bilang entertainment, sa kultura at turismo ng bayan.
Ayon naman sa fireworks manufacturers, sa halip na ipatupad ang total ban, tutukan sana ang mga gumagawa ng mga ilegal na paputok na syang nagdadala ng panganib sa mga tao. - sa panulat ni Raiza Dadia