Hindi nakadalo si Pangulong Rodrigo Duterte sa gala dinner ng Asia Pacific Economic Cooperation Leaders’ meeting sa Da Nang, Vietnam.
Ito, ayon kay Presidential Spokesman Harry Roque, ay dahil pinangasiwaan ni Pangulong Duterte kahit nasa Vietnam ang pag-rescue sa mga Vietnamese na binihag ng Abu Sayyaf sa Tawi-Tawi.
Abala rin anya ang punong ehekutibo sa mga preparasyon para sa ASEAN Summit na gaganapin sa Clark, Pampanga at Pasay City.
Kumatawan naman kay Pangulong Duterte sa APEC leaders meeting si Foreign Affairs Secretary Alan Peter Cayetano.
Noong isang taon ay hindi rin nakadalo si Duterte APEC gala dinner sa Peru.
