Hindi dapat mag-alala ang publiko sa mga bagong miyembro ng Gabinete na papasok sa Duterte Administration.
Ito ang inihayag ni Pangulong Noynoy Aquino sa harap ng puna na tila hindi umano angkop ang “expertise” ng ilan sa napiling cabinet member sa posisyong kanilang hahawakan.
Ayon kay Pangulong Aquino, mayroon namang Commission on Appointments na sasala at bubusisi sa kwalipikasyon ng napiling opisyal ni President-elect Rodrigo Duterte.
May agam-agam ang ilang grupo sa kakayahang mangasiwa ng ilang napili ni Duterte dahil may pagdududa umano sa kanilang kredibilidad at pagkatao.
By: Drew Nacino
