Hindi tatantanan ng mga peace advocate si Pangulong Rodrigo Duterte upang baguhin ang kanyang posisyon hinggil sa naunsyaming usapang pangkapayapaan sa pagitan ng pamahalaan at ng mga komunista.
Ayon kay Bishop Felixberto Calang ng Iglesia Filipina Independiente, batid niya kung ano ang tunay na saloobin ng Pangulo na aniya’y isang peace loving person.
Giit ng obispo, taimtim nilang ipinapanalangin ang Pangulo upang magbago ang isip nito at muling isulong ang peace talks sa panibagong yugto.
Una nang ipinasuspinde ni Pangulong Duterte ang peace talks makaraang bawiin ng magkabilang panig ang unilateral ceasefire bunsod ng walang tigil na pag-atake sa kabila ng tigil-putukan.
By Jaymark Dagala
