Sinisilip na ng Kamara ang pagbagsak sa presyo ng palay sa pagsisimula ng imbestigasyon ng House Committee on Agriculture and Food.
Ayon kay Committee Chairman Mark Enverga, bumagsak ang presyo ng palay sa 10 piso kada kilo sa Oriental Mindoro.
12 pesos hanggang 14 pesos naman ang kada kilo ng palay sa Nueva Ecija, Isabela, Camarines Sur at Ilocos Norte.
Maliban pa rito, pinuna rin ni Enverga ang patuloy na pagpasok ng maraming imported na bigas sa bansa kahit pa panahon na ng anihan.
Giit ng mambabatas isa ito sa dahilan kung bakit napipilitan ang mga magsasaka na ibenta sa mga traders ang kanilang palay sa mas mababang halaga.