Patay ang isang bilanggo habang nakatakas naman ang anim na iba pa sa nangyaring jail break sa Maguindanao Provincial Jail sa Cotabato City.
Ayon kay Cotabato Police Chief Senior Superintendent Rolly Octavio, patay si Michael Balitoc matapos na mabaril ng jail officer.
Patuloy namang pinaghahanap sina Dantes Sandigan Kadatuan, Golly Mangandong, Sindatok Ampatua, Sadam Lucas, Ameludin Maliga at Turac Sabal.
Ang naturang mga bilanggo ay nakulong dahil sa mga kasong pagpatay, illegal drugs at possession of illegal firearms.
Naglaan naman ng reward ang lokal na pamahalaan para sa mabilis na pagkaaresto ng mga pugante.
—-
