Inaasahang matatanggap na ng senado ang pormal na request letter ng Malakanyang sa pagpapalawig ng martial law sa Mindanao.
Ayon kay Senate President Koko Pimentel, hihingi muna sila ng security briefing sa Armed Forces of the Philippines (AFP) at Philippine National Police (PNP) bago magtipon para sa joint session.
Una nang inihirit ng AFP at PNP ang pagpapalawig ng martila law dahil sa patuloy banta ng terorismo sa rehiyon.
Samantala, tinutulan ng minority senators ang naging rekomendasyon ng AFP at PNP na palawigin ang martial law sa Mindanao.
Sa joint statement nina Senador Franklin Drilon, Francis Pangilinan, Risa Hontiveros, Bam Aquino at Antonito Tirllanes, hindi martial law kundi rehabilitasyon na walang korapsyon ang kailangan partikular sa Marawi City.
Sa halip na palawigin, dapat na tanggalin na ang martial law upang makabalik na ang mga bakwit sa kani – kanilang mga tahanan.