Nilinaw ni Finance Secretary Carlos Dominguez na hindi siya konektado sa alinmang mining company sa kasalukuyan.
Ito ang inihayag ng kalihim sa sidelines ng Mining Industry Coordinating Council meet sa lungsod ng Maynila.
Ayon kay Dominguez, dalawang beses lamang sa buhay niyang nabigyan ng pagkakataon na makapagtrabaho sa mining company.
Ito aniya’y sa mga taong 1999 at 2003 kung saaan, siya’y naging CEO o Chief Executive Officer ng PASAR O philippine Associate Smelting and Refining Corporation at sa Rapu-Rapu Processing Incorporated.
Nilinaw din ni Dominguez na wala siyang interes sa pagmimina at kahit kailan ay hindi siya namuhunan dito.
By Jaymark Dagala
