Ibabahagi ng Department of Health (DOH) sa Commission on Audit (COA) ang mga COVID-19 vaccine deal documents bilang bahagi ng non-disclosure agreements (NDA) sa mga supplier.
Ayon kay Health Officer in Charge Maria Rosario Vergiere, ang mga NDA ay kabilang sa mga exemption na naghahayag na maaari itong ibahagi kung hihingin ng batas dahil sa proseso ng auditing at imbestigasyon.
Taliwas ito sa inihayag ni COA Chairman Gamaliel Cordoba batay sa hiling ni dating Health Secretary Francisco Duque sa state auditors ng DOH na hindi dapat ibigay ang mga dokumento dahil sa NDA.
Samantala, inihayag ng kagawaran na nagpadala na sila ng liham sa COA noong Setyembre para magsagawa ng special audit.
Tiniyak naman ni Vergeire na makikipagtulungan sila sa COA upang matiyak na hindi malalabag ang NDA ng mga supplier. —sa panulat ni Jenn Patrolla