Dumalo sa kauna-unahang pagkakataon mula nang maupo sa puwesto si Pangulong Rodrigo Duterte sa taunang Sinulog festival sa Cebu kasabay ng pista ng senyor Sto. Niño.
Personal na sinaksihan ng Pangulo ang Sinulog ritual showdown sa Cebu City Sports Complex at inaasahan siyang magbibigay ng talumpati.
Kasama ang mga opisyal ng pamahalaan ng Cebu at 15,000 manonood, panonoorin din ng Pangulo ang pagtatanghal ng Sinulog dancing contingents.
Matapos nito, pangungunahan din ng Pangulo ang unveiling ng marker sa Terminal 1 ng Mactan-Cebu International Airport sa Lapu-Lapu City.
Kasama ng Pangulo sina Cabinet Secretary Karlo Alexi Nograles, Senador Christopher Lawrence Bong Go at Presidential Communications Office Sec. Martin Andanar.
