Nagbigay ng reaksiyon si Blue Ribbon Committee Chairman Senator Richard Gordon kaugnay sa naging pahayag ni Pangulong Rodrigo Duterte sa kaniyang naging Talk to the People.
Sa naging pahayag ng Pangulo, nais niyang iutos sa mga militar ang pagbabantay sa May 2022 national election para sa malinis, tahimik at maayos na pagboto ng mga botante.
Ayon kay Gordon, hindi tamang gamitin o makialam ang mga sundalo sa pagdaraos sa darating na eleksiyon.
Sinabi pa ni Gordon na tungkulin lamang ng mga mililitar na protektahan at ipaglaban ang bansa laban sa external threat.—sa panulat ni Angelica Doctolero