Ilang oras bago ang inagurasyon, nakahanda na ang San Pedro Square sa Davao City kung saan gaganapin ang panunumpa ni Vice President-elect Sara Duterte bilang ika-15 bise presidente ng bansa.
Simula kaninang 1:30pm, maaari nang magparehistro ang mga dadalo sa Davao Convention and Trade Center.
Naka-set up na rin ang mga upuan para sa mga gustong masaksihan ang inagurasyon na kung saan ilang senior citizen na rin ang maagang nagpunta.
Pangungunahan naman ni Associate Justice Ramon Paul mamayang 4:30pm ang panunumpa ni Duterte sa stage area ng San Pedro Square.
Inaasahan din na masasaksihan nina President Rodrigo Duterte, President-elect Ferdinand Marcos Jr. at former President Gloria Macapagal-Arroyo ang inagurasyon.
