Naitala ang ikatlong kaso ng novel corona virus (NCov) sa bansang Japan.
Ayon sa Health Ministry, ang pinakabagong biktima ay galing din ng Wuhan, China at dumating sa Japan noong Enero 18 kasama ang tatlong miyembro ng kanilang pamilya.
Nabatid na walang nararamdamang sintomas ang pasyente nang dumating sa nabanggit na bansa pero bigla itong nilagnat at inubo makaraan ang ilang oras.
Nang magtungo sa Tokyo hospital, natuklasan na tinamaan ito ng virus na pumatay na ng 41 katao sa China.
