Niyanig ng magnitude 5.4 na lindol ang ilang bahagi ng Luzon kabilang na ang Metro Manila dakong kagabi.
Batay sa datos ng Philippine Institute of Volcanology and Seismology (PHIVOLCS), natukoy ang episentro ng lindol sa layong 19 na kilometro hilagang silangan ng Looc, Occidental Mindoro.
Tectonic ang pinagmulan ng pagyanig na nangyari alas-9:50 kagabi at may lalim itong 101 kilometro mula sa sentro.
Dahil dito, naramdaman ang intensity 5 sa Batangas City, intensity 4 naman sa Tagaytay City, Puerto Galera sa Oriental Mindoro, Mandaluyong, Makati at Pasay sa Metro Manila.
Intensity 3 naman ang naramdaman sa Clark, Pampanga; General Trias at Bacoor sa Cavite gayundin sa Malolos at Obando sa Bulacan habang intensity 2 ang naramdaman sa Pateros.
By Jaymark Dagala