Dinipensahan ng Malakanyang ang pag-apruba ng Food and Drug Administration o FDA, sa ikaapat ng dose o second booster shot ng COVID-19 vaccine.
Ayon kay communication secretary Martin Andanar, walang kinalaman ang dagdag na dose ng bakuna sa posibilidad ng pagtaas ng COVID-19 cases sa Mayo.
Sa halip, nakabase ito sa siyensya at pagtugon ng pamahalaan sa pagbaba ng immunity ng COVID vaccines.
Layon din ng gobyerno na palakasin ang proteksyon ng mga Pilipino laban sa virus, at mga variant nito.
Muli namang nagpaalala ang malakanyang sa publiko na sumunod pa rin sa minimum health protocols laban sa COVID-19.