Tiyak na ikagugulat ni Senador Sherwin Gatchalian sakaling bigyan ng oras ng ICC o International Criminal Court ang pagtestigo rito ni retired SPO3 Arthur Lascañas.
Ito ang reaksyon ng Senador sa pahayag ni Lascañas na tetestigo siya sa ICC laban kay Pangulong Rodrigo Duterte hinggil sa mga pagpatay na ini-utos nito sa kaniya.
Giit ni Gatchalian, walang kredibilidad si Lascañas makaraang magsinungaling ito sa dalawang pagdinig ng Senado hinggil sa mga umano’y extra-judicial killings sa pinamunuan ni Pangulong Duterte.
Maituturing aniyang damage witness si Lascañas dahil bumaliktad at binawi nito ang kaniyang naunang pahayag na kumokontra sa naging pagbubunyag ng self confessed Davao Death Squad hitman na si Edgar Matobato.
By: Jaymark Dagala / Cely Bueno
