Walang nakikitang paglabag ang isang law expert sa naging hakbang ni Solicitor General Jose Calida na isulong ang pagpapawalang sala kay pork barrel fund scam queen Janet Lim – Napoles.
Ayon kay Fr. Ranhilio Aquino, Dean ng Graduate School of Law ng San Beda College, bagama’t hindi aniya karaniwan ang naging hakbang ng SolGen, regular naman aniya itong nangyayari.
Nakasanayan lamang kasi aniyang ikinakatawan ng SolGen ang People of the Philippines laban sa akusadong umaapela sa Court of Appeals.
Magugunitang umani ng negatibong reaksyon mula sa publiko ang naging pasya ni Calida nang kontrahin nito ang naging hatol na guilty ng Makati Regional Trial Court kay Napoles sa paniniwalang ginamit lamang ito.
By Jaymark Dagala
