Kinuwestyon ng ilang kongresista ang pagtatalaga ni Customs Commissioner Nicanor Faeldon ng mga dating atleta bilang intelligence officer.
Nagtataka si House Deputy Speaker Raneo Abu kung paano nakapasok sa Customs ang dalawampu’t walong (28) dating basketball at volleball player gayong may kuwalipikasyon bago makapagtrabaho sa government office.
Kabilang sa mga itinalaga sina dating PBA players Kenneth Duremdes, Marlo Aquino at Edward Joseph Feihl; mga volleball player na sina Allysa Valdez, Andrea Marzan at Rizza Jane Mandapat.
Ipinaliwanag naman ni Faeldon na may basbas ng Commission on Audit o COA ang pag-appoint sa mga nasabing manlalaro.
By Drew Nacino
