Dapat maabot muna ang target na 80% vaccine coverage para sa mga senior citizens at persons with commorbidities bago mag-de-escalate sa alert level 1 mula sa kasalukuyang level 2 ang bansa.
Ito ang binigyang-diin ni Health Secretary Francisco Duque III sa Talk to the People ni Pangulong Rodrigo Duterte, kahapon.
Sa gitna ito ng pina-planong pagbaba ng COVID-19 alert level status, lalo sa Metro Manila.
Ayon kay Duque, patuloy ang pagsadsad ng COVID-19 cases sa bansa partikular sa NCR Kaya’t hindi malayong isailalim sa alert level 1 mula sa kasalukuyang level 2 ang mga lugar na may mababang infection rate.
