Nagbabala sa publiko ang Philippine National Police-Anti-Cybercrime Group (PNP-ACG) laban sa muling pagkalat ng online scam ngayong nalalapit na ang kapaskuhan.
Ayon sa ACG, talamak ngayon sa social media ang mga scammer na nagpopost ng item mula sa mga kilalang brand o kumpaniya partikular na sa mga damit at electronic gadget para ibenta sa murang halaga.
Sakaling kumagat sa pain ng mga kawatan angkanilang bibiktimahin, ay agad na dadalhin ang biniling item sa address na ibinigay ng biktima nang nakakahon subalit kapag binuksan ito ay tatambad sa biktima kungdi bato ay walang laman ang kahon.
Saka namang mawawala ng parang bula ang ibinayad na pera ng biktima gayundin ang nagbenta sa kanila kung saan, kadalasan ay binablocked ng mga scammers ang kanilang nabiktima.
Bukod sa mga pekeng produkto, laganap din ngayon ang online travel scam na mag-aalok ng libreng biyahe subalit may hinihingi namang reservation fee. —sa ulat ni Jaymark Dagala (Patrol 9), sa panulat ni Angelica Doctolero