Required pa rin ang pagsusuot ng face shield sa labas ng bahay sa gitna ng patuloy na banta ng COVID-19.
Ito ang iginiit ni Cabinet Secretary Karlo Nograles matapos magpahayag si Health Undersecretary Leopoldo Vega na maaari nang hindi magsuot ng face shield sa labas ng bahay maliban na lamang sa matataong lugar.
Ayon kay Nograles, tatalakayin pa nila ang usaping ito mamaya sa pulong ng IATF.
Sakali aniyang magkaroon na ng opisyal na desisyon ay agad nila itong iaanunsyo.
