Inanunsyo ng Department of Agriculture’s (DA) Bureau of Fisheries and Aquatic Resources (BFAR) ang pagsisimula ng closed fishing season sa northern Palawan.
Ayon sa BFAR, nagsimula ang closed fishing season noon pang November 1 na tatagal hanggang Enero 31, 2022.
Layon ng naturang hakbang na maprotektahan ang mga lamang dagat sa panahon ng spawning season at matugunan ang overfishing, climate change, at iba pa.
Ayon sa BFAR, lumago na sa 435 tonelada ang nahuhuling mga galunggong sa lugar noong 2020 kumpara sa 233 tonelada noong 2015.
Habanng ang mga nahuhuli naman sa pamamagitan ng ring net ay lumago nang bahagya sa 206 tonelada noong 2020 mula sa 187 tonelada noong 2015.—sa panulat ni Hyacinth Ludivico
